Toll House Chocolate Chips Cookies

跟 Angel 食譜整咗呢個美式軟曲奇，焗完我同賽車手引唔住食咗幾塊，確係好正呀。

又!又! Lemon Mousse Cake

 

呢排真黑仔，家裏電器輪到黎壞，先係熱水爐；跟住就洗衣機、水喉漏水、呢兩日個電腦哈的士都瓜埋，最慘係我啲相同食譜咩都無鬼哂呀，潛水鏡攪咗兩晚先攪返掂。
琴日放假，賽車手柯打要求整多次檸檬慕士餅比二姑媽。整完到甩模時，枝火槍點解無火出，唔係化連佢都神埋，攪到用風筒係咁吹先甩到模，無咩心情，所以裝飾欠奉。
天啊!希望快啲過咗呢股黑氣啦!

Baked Banana & Coconut Pie

 

早兩日係輝 Sir 樹學，炒咗香蕉加椰絲一齊焗，個香氣真係沒法擋，食過陣好滿足喔。

Tropical Fruit Tart

      

                    


早兩日係輝 Sir 樹學，重發生咗一件慘痛事件添，學完滿心歡喜返屋企可以同賽車手、潛水鏡一齊享用，點知. . . .打開盒一看，噢 !水浸撻呀，塊 Jelly 溶鬼哂，就剩返呢個最厚皮頂得住無事囉。
杏仁脆撻底上係熱情果 Jelly ，加一層熱情果吉士餡，再放上半個芒果肉，夾埋一齊食酸酸甜甜，雪凍食實在太好味喇。

 

差勁的栗子蛋糕

 

無時間又想整蛋糕，有罐栗子蓉等緊我，唔係就到期喇，粗粗地交住貨先。

燕窩椰汁糕

之前燉定啲燕窩，每日都比賽車手食，等佢食多啲好快快強壯返。今日又轉轉食法，整個凍糕，大人細路都啱食。

無花果果醬

用咗7個無花果煮果醬，煮時候雖然無士多啤梨香味吸引，但就有清清潤潤滋味。

食譜：　【鮮美果醬輕鬆做】
無花果　３００克
黑砂糖　１６０克
殺砂糖　９０克
檸檬汁　１／２個
做法：
１）無花果去莖，帶皮切成２ＣＭ方塊。
２）將１與黑砂糖、細砂糖、檸檬汁倒入碗內，攪拌均勻。
３）將２倒入鍋中，開強力的中火，不間斷地邊攪拌邊熬煮。快要沸騰的時候會有浮沬產生，將浮沬撈除。
４）沸騰後的２－３分鐘之間，以相同的火候再煮一下。等到不再有浮沬產生、泡沫呈現光澤時，即可關火。

玻璃瓶洗淨後，放入滾水煲15分鐘消毒，然後放入微暖的焗爐中，有助焗乾瓶身中水氣保持乾爽。