軟心朱古力

 

今日個 Friend 來屋企整朱古力，我都無咩信心，因為要調較朱古力既溫度要準，先可以做到只溶係口吾溶係手既朱古力。好彩都整到，佢重左過百粒朱古力返屋企交代。有成5味 (Whisky Truffle, Cointreau Orange Truffle, Earl Grey Tea Truffle, Amaretto Liqueur Truffle & Chocolate Crunchies)。

又，Swiss Roll

  Mini Strawberry Swiss Roll & Chocolate Swiss Roll

 

今日呢個瑞士卷都幾鬆軟，幾好味，但係質地吾夠綿密。

Mini Chocolate Swiss Roll

     Mini Chocolate Swiss Roll

 

今日鐘放假，趁仔仔返學，整左呢個簡單的瑞士卷，裏面係 coffee cream。仔仔話係蝸牛蛋糕，佢食左一件，話 cream多得滯，但都好好味。

我的玩具

     
   勁得意既 Cookies 模

白老鼠試食篇-2

   Mango Mousse Cake

 

         
  原本呢個蛋糕係老爺既生日蛋糕，但係亞仔話換另外一個，咁就返公司給白老鼠試食，有人話甜左小小。

Peanut Butter Chocolate Cake

         Peanut Butter Chocolate Cake

 

今晚出街食飯，因為有三位翁生 (老爺、老公，仔仔) 呢個月生日，本來整左呢個蛋糕帶埋出去食。但出左街先發覺吾記得，唯有明天先去14樓。

Mille-Feuille of Fresh Fruit Pie

             

       發酵中

             
                 
似麵包但又有酥皮的口感。

香噴噴蒜香野菜方包

      蒜香野菜方包

 

            今日放假仔仔話唔去街，可以整下面包，早排買左個方包模，又買埋意大利青瓜，就整呢個蒜香野菜包包(裏面有蘿蔔、洋蔥和青瓜)。呢係軟身包，可以放上3-4日都保持軟熟。

Mini Earl Grey Tea Dome

      Mini Earl Grey Tea Dome

    
             今日去左私房蛋糕學 Mini Earl Grey Tea Dome，個黑朱古力裝飾有些難度，因為要快手將朱古力抆落張膠片上，趁未凝固前界成長三角形，快手舖上兩條棍上，我能順利整到。而裏面 mousse 部份有濃濃的伯爵茶味，配上朱古力海綿蛋糕，味道好夾又唔太甜，好味。

Lemon Tart

                  

      
　我喜愛甜品其中之一，今次在撻底部份加了橙皮茸，焗時巳有很香橙味，香脆的撻底，加上裹面的檸檬饀，酸酸甜甜，非常清新。我喜歡上面加點淡忌廉，中和左檸檬的酸，非常 yummy。不過今次我用意大利蛋白霜，用火槍燒面，但甜左小小。

鏡生日

 香芒奶皇卷

             
今日是鏡41歲生日，會係屋企渡過，仔仔放學返到屋企，就即刻彈首生日歌。我就整了他喜歡吃的菜色，有泰式雞肉生菜包，西芹炒帶子，雞蓉粟米湯，而甜品就係香芒奶皇卷。因為他不太喜歡蛋糕，所以我都無整。咁又真係好求其下，不過唔緊要，生日禮物就係我同仔仔喇。

仔仔的生日會

 

 07年度1月1日第一個生日會在細妹屋企攪，因為有三位小朋友在呢兩個月份生日(包括仔仔同埋兩個姨甥)，所以特地整了三個蛋糕。因為前一晚返通宵，所以在36小時不眠不休情況之下完成三個蛋糕及所有食物。返到屋企沖完涼，一撻落床巳即刻大昏迷，但係個個食得咁開心，自己都有好大的滿足感。